DÍA DA PAZ

DÍA DA PAZ 2024

Queremos compartir coa comunidade educativa o noso particular Día da Paz onde tivemos de todo: actuacións de Acrosport con 5º, 6ºA e 6ºB; manifesto e canción da Paz interpretada polo alumnos do cole e innauguración do Banco da Amizade.

DÍA DA PAZ

Como todos os anos, colaboramos no Día da Paz coa Casa Rosada do Concello de Poio. Este curso o reto era conseguir axuda económica para a Casa Gaiato, en Mozambique.

Aproveitamos ademais para coñecer un pouquiño mais a cultura deste pais e aquí tedes algunhas das cousas que fixemos.

CHANCELAS A FAVOR DA PAZ

DÍA DA PAZ 2022

Aquí vos deixamos os traballo conxunto de todos os coles do concello de Poio coa actividade proposta pola Casa Rosada (Centro de Servizos Sociais de Poio) chamada: Cachiños de Paz. Trátase de facer un collage xigante relacionado co Día da Paz e os Obxectivos da Axenda 2030 para o Desenvolvemento Sostible.

ALMORZO SAUDABLE 5 ANOS

Aquí vos deixamos un resumo da merenda saudable, na aula de 5 anos, coa que nos agasallaron desde a Casa Rosada do Concello de Poio pola participación no concurso de decoración de Portas pola Paz. 

Desde aquí agradecemos a implicación e o agarimo das nosas compañeiras da Casa Rosada.

FELIZ DÍA DA PAZ

Hoxe no Día da Non Violencia e a Paz queremos agasasarvos co Proxecto que realizamos coa colaboración de toda a Comunidade Educativa: A LENDA DE SADAKO E AS MIL GRÚAS.

"Unha lenda xaponesa di que se fas mil grúas de papel, o teu maior desexo farase realidade".

No cole traballamos esta lenda a través da:

• Creación de HAIKUS: Xénero literario de orixe xaponés escrito en 3 versos sen rima, facendo referencia a escenes da natureza ou da vida cotiá.

• DECORACIÓN DE PORTAS contando a historia de Sadako partindo da proposta da Casa Rosada polo Día da Paz.

• PEZA MUSICAL 4º de Primaria, na especialidade de música.

• ELABORACIÓN DE MIL GRÚAS DE PAPEL coa colaboración de toda a Comunidade Educativa, alumnado, profesorado e familias.

A TODOS MOITÍSIMAS GRAZAS!!!

Esperamos que o desexo de Sadako, PAZ e SAÚDE para todos, se faga realidade. 

Feliz Día da Paz!!!

Picade na foto para ver mais fotos

UN HAIKU POLA PAZ

Este curso, Chancelas mergullouse no mundo xaponés coa creación de HAIKUS partindo da historia de SADAKO SASAKI. Pero... sabedes qué é un HAIKU?

Aquí vos deixamos un enlace moi interesante do Salón do libro onde Cristina Corral nos explica de xeito claro e breve qué é un HAIKU.

CON SADAKO POLA PAZ

Como todos os cursos, a Casa Rosada do Concello de Poio fai unha proposta a todos os coles de Poio polo Día da Paz. Este ano, tocounos decorar as portas: Portas pola PAZ.

Nós, en Chancelas, quixemos darlle unha volta e, ademais de decorar as portas, contámoslle aos nenos e nenas a historia de Sadako e a lenda das grullas.

Velaquí uns enlaces para coñecer un pouco sobre o tema:

DÍA DA PAZ

Seguindo coa a proposta da Casa Rosada do Concello polo Día da Paz, Rabi converteuse nun médico investigador na procura dunha vacina contra a violencia, o machismo, a guerra, a fame... e todas esas cousas feas que aínda anda no mundo. Cada clase preparou as súas vacinas que despois puxemos no expositor da PAZ.

Picade na foto para ver mais

DÍA DA PAZ

Como en anos anteriores as compañeiras da Casa Rosada fixéronnos unha proposta para o Día da Paz: tiñamos que elaborar receitas para a Paz. Ademais para celebralo viñeron a cantar con nós a canción da Paz deste ano que traballamos todos os coles de Poio.

DÍA DA PAZ

Un curso mais toda a escola uniuse para celebrar o Día da Paz. Cada neno e nena de cada clase, seguindo as suxestións da Casa Rosada do Concello de Poio, adornou un bote de cristal e meteu dentro bonitas palabras para celebrar este día escollendo as que mais nos gustan e as que nos gustaría escoitar.

Picade na foto para acceder a mais fotos