EXPOSICIÓN E VISITA DE ANTONIO GARCÍA TEIJEIRO

Por fin chegou o día e recibimos a visita tan esperada de Antonio García Teijeiro despois de traballar as súas obras durante todo o curso. Recibímolo a ritmo de jazz coa colaboración especial de Rosolino Marinello, pai de Selene de 3º de primaria.

OBRADOIRO DE RADIO EN 4º CON CHARO PITA

SAN VALENTÍN 2025

 

DÍA DO LIBRO E VISITA DE EVA MEJUTO

Este ano tivemos a sorte de celebrar o Día do libro coa visita de Eva Mejuto. O alumnado acolleuna con moita emoción despois de levar todo o curso traballando as súas obras, especialmente o libro O día que choveron gatos.

XOGAMOS EN SAN VALENTÍN

Co gallo da Semana de San Valentín, Rabi propuxo un xogo. Das fotos propostas, tiñamos que elexir unha e inventar unha historia de amor. Ademais tamén "sacamos do armario" fondos sobre a diversidade afectiva e sexual que temos na biblioteca.

INERCAMBIO DE CARTAS POLOS APADRIÑAMENTOS LECTORES

Co gallo de celebrar o Día internacional das Bibliotecas cos nosos habituais apadriñamentos lectores, as parellas madriña/padriño e afillada/o levan uns días coñecendose a través de visitas e intercambio de cartas. Aquí vos deixamos algunhas fotos dos encontros.

PICADE NA FOTO PARA ACCEDER AO ÁLBUM

VISITA DE PAULA CARBALLEIRA

Por fin... o resultado final. Despois destes meses adicados ao noso proxecto "ESCRIBIR COMO LECTORES" coas obras de PAULA CARBALLEIRA, aquí vos deixamos o broche de ouro coa visita da autora. E tamén apuntamos un enlace deste programa iberoamericano, organizado pola ASOCIACIÓN ESPAÑOLA DE LECTURA E ESCRITURA (AELE) e a FUNDACIÓN SM, que pretende poñer a literatura ao alcance dos nenos e nenas a través da organización de distintas prácticas de escritura a través da lectura dunha obra de autor.

ESCRIBIR COMO LECTORES

OBRADOIRO RADIO NA BIBLIO

Velaquí as fotos do obradoiro de Radio na Biblio con Soledad Felloza. Todo un placer contar con esta profesional.

O SAMAÍN EN CHANCELAS: MONSTROS MARIÑOS

Este curso, polo Samaín, ambientamos as portas das aulas cos nosos particulares monstros mariños e elaboramos unha ficha técnica de cada un deles e, como é costume decoramos o cole con cabazas terroríficas.

PICADE NA IMAXE PARA VER MAIS FOTOS

VISITA ESTELA DÁNGELO

O día 10 de novembro tivemos a sorte de recibir a visita de Estela D´Angelo, doctora en Ciencias da Educación, profesora na Universidade Complutense de Madrid e presidenta da Asociación Española de Lectura e Escritura (AELE).

PLANTACIÓN DE ÁRBORES EN CHANCELAS

Grazas ao Proxecto de Eroski/Vegalsa "UNHA ÁRBORE, UNHA HISTORIA" pola súa aportación na mellora do noso patio escolar e noraboa aos gañadores do concurso de relatos: Ximena e Iker de 5º, e Gabriela e Mateo de 6º.

OBRADOIRO "VIVE A BIBLIO EN FAMILIA"

Nesta ocasión visitounos Damián Alonso, de SoloVoz, que nos ofreceu un obradoiro moi especial onde familias e profesorado puido compartir unha morea de experiencias e recursos sobre o arte de como contar historias.

VISITA DE MARIA CANOSA

Este curso quixemos conmemorar o Día do Libro cunha visita moi especial. Maiores, pequenos, profes... todos estabamos desexando que chegase este día despois do esforzo e traballo realizado durante todo o curso arredor dos libros de María Canosa.

Recibimos a esta escritora cunha peza musical interpretada polos nenos e nenas de 4ºB e despois por quendas fomos coñecendo a nosa invitada. Foi moi entrañable e todo grazas ao agarimo e cercanía de María.

VISITA ANTÍA YAÑEZ

Nesta ocasión, grazas a un Proxecto de Eroski/Vegalsa, tivemos a sorte de contar coa escritora Antía Yañez que fixo un obradoiro co alumnado de 5º e 6º de primaria para aprender estratexias e recursos sobre como escribir relatos. Neste caso, a temática sería "As Árbores".

Despois Joel, Carolaen, Matías e Martín de 6º fixéronlle unha entrevista en Radio Chancelas.

ESCRIBIR COMO LECTORES: MARILAR ALEIXANDRE

Poñemos fin ao noso Obradoiro de Escritores sobre as obras de Marilar Aleixandre dunha forma especial. Xa que este curso a visita de Marilar non foi posible, esperamos que estes vídeos lle gusten feitos con moito agarimo por todo o cole.

OBRADOIRO DE POESÍA CON MARÍA LADO

Queremos desde o cole agradecer a visita da escritora María Lado Lariño e polo precioso obradoiro que fixo co alumnado de 5º e 6º.

FELIZ DÍA DA PAZ

Hoxe no Día da Non Violencia e a Paz queremos agasasarvos co Proxecto que realizamos coa colaboración de toda a Comunidade Educativa: A LENDA DE SADAKO E AS MIL GRÚAS.

"Unha lenda xaponesa di que se fas mil grúas de papel, o teu maior desexo farase realidade".

No cole traballamos esta lenda a través da:

• Creación de HAIKUS: Xénero literario de orixe xaponés escrito en 3 versos sen rima, facendo referencia a escenes da natureza ou da vida cotiá.

• DECORACIÓN DE PORTAS contando a historia de Sadako partindo da proposta da Casa Rosada polo Día da Paz.

• PEZA MUSICAL 4º de Primaria, na especialidade de música.

• ELABORACIÓN DE MIL GRÚAS DE PAPEL coa colaboración de toda a Comunidade Educativa, alumnado, profesorado e familias.

A TODOS MOITÍSIMAS GRAZAS!!!

Esperamos que o desexo de Sadako, PAZ e SAÚDE para todos, se faga realidade. 

Feliz Día da Paz!!!

Picade na foto para ver mais fotos

UN HAIKU POLA PAZ

Este curso, Chancelas mergullouse no mundo xaponés coa creación de HAIKUS partindo da historia de SADAKO SASAKI. Pero... sabedes qué é un HAIKU?

Aquí vos deixamos un enlace moi interesante do Salón do libro onde Cristina Corral nos explica de xeito claro e breve qué é un HAIKU.

E POR FIN A VISITA DE... FINA CASALDERREY

Esta visita foi todo expectacación dos profes, das familias e, sobre todo, das nenas e nenos.

 Tanto os de infantil como os de primaria estiveron nerviosos ata que chegou o momento, a aparición de Fina. Foi uns segundos máxicos.

Despois de moito traballar esta foi a recompensa, e como non, tamén a sinatura de libros.

Ademais deixámosvos o vídeo que lle fixemos a Fina entre todo o cole.

PREPARANDO TODO PARA... FINA CASALDERREY

Poñemos un resumo de todos os traballiños que fixemos coa excuso da visita de Fina. Aínda seguirán expostos uns días para que os poidades ver en vivo.