PRIMEIROS RECREOS NA BIBLIOTECA

A partir do 1 de outubro comezou a funcionar a biblioteca a toda máquina e, con ela, o servizo de PRÉSTAMO e o noso ESPAZO CREATIVO. Aquí vos deixamos algúns momentos do recreo.

Pica na foto para ver mais

1ª XUNTANZA XERAL DE CONVIVENCIA

Este luns celebramos a primeira asemblea de convivencia, na que alumnos e mestres avaliamos o RETO desta primeira quincena: "MOVÉMONOS AXEITADAMENTE EN CADA LUGAR". Reto que foi superado, polo que o alumnado puido desfrutar dun pequeno recreo extra.

Ademais tamén aproveitamos para presentar o segundo reto para esta quincena: "FALAMOS CON PALABRAS BONITAS E NUN TON ADECUADO". 

A ver como vai esta segunda norma... Xa vos contaremos.

Picade na foto para ver mais fotos

RETO: NORMAS DE CONVIVENCIA

NESTE COLE...

1. MOVÉMONOS AXEITADAMENTE EN CADA LUGAR

2. FALAMOS CON PALABRAS BONITAS NUN TON ADECUADO

3. COIDAMOS E MANTEMOS O NOSO COLE LIMPO E ORDENADO

4. ACTUAMOS ANTE AS INXUSTICIAS OU PEDIMOS AXUDA

5. RESPECTAMOS E COIDAMOS AOS QUE NOS RODEAN

6. ESCOITAMOS CON ATENCIÓN E RESPECTAMOS A QUENDA DE PALABRA

7. SOMOS PUNTUAIS

8. SOMOS UN EQUIPO E CONVIVIMOS COMO TAL

Estas serán as regras dos retos de convivencia:

1. Asemblea xeral cada quincena (profes e alumnos) na entrada do cole para valoración da norma (conseguida ou non) e presentación da seguinte.

2. Sistema de valoración: cada quincena un curso será o encargado de lembrar, aconsellar e valorar aos alumnos dos outros cursos. Haberá un curso encargado na planta baixa - zona primaria, outro na zona de infantil e outro na planta alta.

3. Consecuencias de conseguir ou non o reto:

- Reto superado: estrela dourada e recreo extra para os cursos que o consigan.

- Reto non superado: non se conseguirá a estrela dourada, polo que non poderán desfrutar do recreo extra e acumularán o reto para a vindeira quincena.

Queremos compartir todo isto con vos porque pensamos que sería moito máis productivo se desde casa tamén se traballaran as mesmas normas.

Grazas pola vosa colaboración.

MÚSICA TIMBRE ADICADA AO CIRCO

 

 

AS MOCHILAS... COMEZAN A VIAXARRRRRRR

Arrancamos outubro poñendo en marcha as mochilas viaxeiras. Os encargados de repartilas polas aulas foron os nosos voluntarios. Mirade que cargadiños van.

Picade na foto para ver mais fotos

1ª XUNTANZA DE DELEGADOS. NORMAS DE CONVIVENCIA

Este curso en Chancelas propuxémoslles aos nenos e nenas consensuar entre todos unhas normas de convivencia. Cada clase falou das que mais importantes lles parecían e despois, na xuntanza de delegados, elaboramos a lista de normas que nos vai guiar ao longo do curso.

Picade na foto para ver mais fotos

HORA DE LER... TEMPO DE RELAX

Aquí tedes aos maiores de infantil desfrutando dun momento de tranquilidade con música de fondo e un libro nas mans. 

Non se pode pedir mais.

Picade na foto para ver mais fotos