VISITA DE GONZALO MOURE

Por fin, o resultado final. Despois destes meses adicados ao noso proxecto "ESCRIBIR COMO LECTORES" coa obra de GONZALO MOURE, El oso que leía niños, aquí vos deixamos o broche de ouro coa visita do autor. E tamén apuntamos un enlace deste programa iberoamericano, organizado pola ASOCIACIÓN ESPAÑOLA DE LECTURA E ESCRITURA (AELE) e a FUNDACIÓN SM, que pretende poñer a literatura ao alcance dos nenos e nenas a través da organización de distintas prácticas de escritura a través da lectura dunha obra de autor.

http://www.asociacionaele.com/project/escribir-como-lectores-de-una-obra-literaria/

APADRIÑAMENTOS LECTORES EN CHANCELAS

Hoxe, 5 de xuño, Día mundial do Medio Ambiente, conmemoramos tamén o Aniversario de Rabi. E que mellor forma de celebralo que coa lectura dun conto ao aire libre.

Fixemos apadriñamentos lectores. Os nenos/as de 3º,4º,5º e 6º leronlle un conto na hora de ler a un ou dous nenos/as de infantil, 1º ou 2º. 

Un momento máxico.

MÚSICAS ADICADAS AO MEDIO AMBIENTE

Co gallo do Día Mundial do MEDIO AMBIENTE eleximos a seguinte música para o timbre do noso cole.

OS VOLUNTARIOS VISITAN A BIBLIOTECA MUNICIPAL DE POIO

Como merecida recompensa ao traballo dos voluntarios de biblioteca e aos monitores de patio, a responsable da biblioteca do cole xunto coa coordinadora de xogos de patio, decidiron levar a todos eles a unha excursión para coñecer a Biblioteca Municipal de Poio. Unha vez feita a visita institucional, relaxámonos un pouco na praia de A Canteira onde como non fixemos algún xogo refrescante.

                      

 

RECOMENDACIÓNS LECTORAS A TRAVÉS DA RADIO MUNICIPAL DE TUI

O colexio de Chancelas quixo contaxiar a súa paixón lectora con outras persoas e a Radio Municipal de Tui deixounos levar a cabo esta experiencia tan bonita en colaboración con outros coles.

Primeiro creamos un club de lectura grazas á colaboración da mestra de música, escollemos libros para ler ao longo das semanas, e unha vez lidos, comentámolos e puxemos en común as nosas sensacións despois da lectura.

A continuación, fixemos un breve resumo e unha reseña do autor, dando paso ao primeiro borrador, que fomos mellorando pouco a pouco. Finalmente, pasamos o borrador definitivo a formato guión, asignando o que vai dicir cada neno/a.

Despois desta primeira parte do traballo, tivemos que gravarnos como profesionais e incluir a música e outros sons que amenizasen a nosa gravación. E por último... a escoitalo na radio.

Aquí tedes os últimos programas que realizamos:

ENQUISA SOBRE A HORA DE LER PARA O ALUMNADO

Agora tócalle a quenda aos Chancelotes. Este ano implantamos a hora de ler no noso cole, actividade que funciona moi moi ben noutros centros. 

A ver que opinan os rapaces dela?

Deixarémola colgada ata o 2 de xuño.

SUSA HERRERA DE PASO POR CHANCELAS

Este venres tivemos a visita de Susa Herrera para presentarnos o seu novo libro, En Cabárceno se sigue cantando. Non paramos de bailarrrrrr.