HOXE VISÍTANOS... ANXO MOURE E A SÚA CINECLETA
Facía xa uns anos que non tiñamos o gusto de desfrutar coas contadas de ANXO MOURE e por fin... chegou o gran día. Co gallo de conmemorar o Día das Bibliotecas e, aproveitando o novo invento de Anxo, a CINECLETA, puidemos facer un repaso moi orixinal sobre a historia do CINE.
Ademais das fotos deste día, deixamos tamén uns enlaces por si queredes coñecer mais a fondo o proxecto de ANXO MOURE.
https://www.facebook.com/contosolidarios/
https://www.contosolidarios.org/
Contos
Solidarios é un proxecto cultural, medioambiental e de solidariedade
promovido polo contacontos galego Anxo Moure, que dende o ano 1989
percorre as terras de Galiza, Asturias, Portugal, O Bierzo...,
contando historias solidarias coa terra e coas persoas que a habitan.
Contos
Solidarios defende o conto como ferramenta educativa, de
sensibilización e loita para construír un mundo en harmonía co
ecosistema e garante da xustiza social.
Contos
Solidarios leva xa máis de 6.600 sesións de contacontos en perto de
1.200 centros escolares, bibliotecas, e tamén en espazos abertos
como bosques, parques, prazas, ríos... superando xa os 300.000
participantes, dende nenas e nenos de 0 a 3 anos ata nenos maiores de
ata 100 anos.
Contos
Solidarios transforma o conto en solidariedade coa entrega de
bicicletas e material escolar en proxectos de cooperación en máis
de 30 países de América Latina, Asia e África.
Contos
Solidarios é unha proposta aberta a todas e todos os que queirades
participar a través dun feixe de actividades diversas, dende
achegarvos a escoitar un contiño enriba dunha árbore dentro dos
Contos na Casa das Árbores, coñecer aos carballos que nacen dentro
de botas vellas para transformarse en contos que lle dean vida ao
bosque das historias do Carballo con Botas, ata convidar á
Cliclobiblioteca á vosa escola, vila, pobo ou mesmo á vosa casa
para que roden contos e cantos e se espallen en liberdade.
Convidámosvos
pois a que entredes no mundo dos Contos Solidarios.
MOITAS GRAZAS ANXO, VOLVE PRONTO
Picade nas fotos para ver mais
ANXO CON INFANTIL
ANXO CON 1º, 2º e 3º
ANXO CON 4º,5º e 6º
